Popular & Trending •
Live Kenyan TV •
Live Kenyan Radio
Follow Us Like Us
Jeff Bezos: Net worth of Amazon.com CEO and founder of di E-commerce company
130 people viewed
|Jeff Bezos: Net worth of Amazon.com CEO and founder of di E-commerce company by Kenyans247(1): Wed 08, July, 2020 09:23pm|
Jeff Bezos net worth as CEO of Amazon don reach $171bn (£137bn) as di American business magnate make tens of billions during di Covid-19 pandemic.
One study wey one content and comparison site, Comparisun, wey dey help organisations compare different business products do, say Bezos wey be di founder of di E-commerce company fit become di world first trillionaire as early as 2026.
"Despite say im don lose like $38 billion as part of wetin im take settle for im recent divorce, Bezos na still by far di world richest pesin and im net worth don grow by 34 per cent on average over di last five years and im fit become di world first trillionaire as early as 2026 wen e go clock 62." Comparisun tok.Who be Jeff Bezos?
Jeff Bezos na di founder and CEO of e-commerce company Amazon, im be di owner of di Washington Post company and founder of di space exploration company Blue Origin.
Oga Bezos na pikin wey quick develop special abilities for early age.
For age 3, Bezos sabi how to use screw driver to comot nails from im baby cot because im wan make e be like real bed.
Im develop engineering skills at a very early age as im set up electronic alarm to younger siblings out of im room.
For age 10, im grandma begin cry wen Bezos calculate for am how many years she don reduce for her age sake of smoking.
Pipo dey see Besoz as pesin wey care more about cleverness than kindness and di way im dey grow im company, Amazon.
Di Amazon.com CEO na pesin wey like numbers and im dey always make am do things differently.
Im successful business dem don make am one of di richest pipo for di world, with $145 billion dollars as im net worth as at 2020.
Dem born am for New Mexico for 1964, Bezos early love of computers make am study computer science and electrical engineering for Princeton University.
Jeff Bezos: Di world richest man don agree for $35bn divorce
Di richest women for world
I withdraw 10 million dollars to convince my self say I dey rich – Dangote
Afta im graduate for 1986, Jeff work for Wall Street, and for 1990 im became di youngest senior vice president for di investment firm D.E. Shaw.
Four years later, Bezos resign from im job to open Amazon.com, one online bookstore from im garage. Im parent give am $300,000 to invest for di company.
Bezos bin warn pipo wey invest for di business say 70% chance dey say di business fit fail.
Jeff Bezos for 1997WIA DIS FOTO COME FROM,GETTY IMAGES
Wetin we call dis foto,
Jeff Bezos bin found Amazon for 1994
For 1998, di site expand to offer music, videos, and other consumer goods, and for 2002, Bezos launch Amazon Web Services, wey dey compile data from weather channels and website traffic.
From Washington post to Whole Foods, Bezoz get plenti company under im Amazon group of companies.
After more than 25 years of marriage, for 2019, Jeff and im Ex-wife, MacKenzie divorce. Di tori scata internet afta dem cut Jeff stake for Amazon from 16 to 12% as part of di divorce settlement.
Jeff and MacKenzie get four pikin together: three sons and one daughter wey dem adopt from China.
Jeff Besoz drawing
How coronavirus dey increase Jeff moni?
According to di Billionaire Bonanza report, between March 18 and April 10 2020, di billionaire wealth for America increase by 9.5%. During di same period, wey over 22 million Americans file for unemployment.
Di Amazon CEO and entrepreneur, Jeff Bezos, don grow im fortune by $24bn and dis na 20% increase within four months.
Bezos get 11% stake for di company.
Di increase in demand of pipo wey dey do online shopping ontop Amazon sake of coronavirus lockdown make im shares to go up.
For di report from Comparisun, dem also suggest say afta Jeff Besoz, pipo like Facebook owner, mark Zuckerberg still fit join di trillionaire's club very soon.
"Of di 25 pipo we analyse, only eleven go really get di chance to become trillionaire during dia lifetime, sake of di recent rate of wealth growth."Dem tok.
0 Shares 0 Like •
For you to post content on this website you have to log in or register, it only take few minute to create account
Recommended for youTesla's Elon Musk Overtakes Amazon's Jeff Bezos As World's Wealthiest Person Amazon Founder Jeff Bezos Remains World's Richest Man After Ksh 3.8 Trillion Divorce Jeff Bezos: Net Worth Of Amazon.com Ceo And Founder Of Di E-commerce Company
Sections: Africa, How To, HistoryKe, Agriculture, International Forum, Phones, Innovation, Computers, Universities, Education, Photography, Jokes Etc, Gaming, Poetry, Emojipedia, Burundi Forum, Tanzania Forum, Somalia Forum, Ugandan Forum, Rwanda Forum,
Kenyans247 - Copyright © 2019 - 2021 Sande Kennedy. All rights reserved. See How To Advertise.
Disclaimer: Every Kenyans247 member is solely responsible for anything that he/she posts or uploads on Kenyans247.